Venesuêlada bulğan köçle ike cir teträwdä, kim digändä, 32 keşe ülde häm 700dän artıq keşe yaralandı.
İlneñ waqıtlıça ilbaşı wazıyfaların başqaruçı Delsi Rodriges televidenie aşa xalıqqa möräğat itkändä : "Bezgä 32 keşeneñ ülüe häm 700dän artıq keşeneñ yaralanuı turında xäbärlär kilde", - dide. Ul başqala yanındagı La-Guayra turında älegä mäğlümatları bulmawın, anıñ "iñ nıq zıyan kürgän rayon" buluın östäde.
Çärşämbe kiçendä Karib diñgezeneñ tön’yaq yarında bulğan häm kiñ külämle zıyan kitergän köçle cir teträwlärdän soñ, il buyınça ğadättän tış xäl iğlan itelde, töbäktä tsunami turında kisätülär yasaldı.
Töp cir teträw
İnternetnı küzätü törkeme “NetBlocks”, cir teträwlär ilneñ êlektr häm telekommunikatsiyä asqormasına zıyan kitärgännän soñ, Venesuêlada, şul isäptän, başqala Karakasta, internetqa totaşunıñ kisken kimüen xäbär itte.
AQŞ Geologik tikşerenülär üzägeneñ soñğı texnik mäğlümatlarına qarağanda, Venesuêlanıñ tön’yağında ike köçle zilzilä bulğan.
Seysmologlar Yarakuu ştatı başqalası San-Felipe yanında 7,2 bal zurlığında köçle cir teträw bulunı rasladılar. Nibarı 40 sekundtan soñ, Yumaredan kön’yaq-könçığışta 7,5 magnitudalı tağın da çimergeçräk töp teträw terkälä.
Delsi Rodriges êlegräk töbäk transport liniyälärendä zur üzgäreşlär buluın rasladı, Mayketiyadağı Simon Bolivar xalıqara aêroportı töp terminallarına häm oçıp kitü-töşü yullarıña çitdi häm kiñ infrastruktura zıyanı kiterü säbäple bilgesez waqıtqa yabılğanın belderde.
"Qurqınıç xäl"
Venesuêla êçke êşlär ministrı Diosdado Kabello çirle matbuğat çaralarına köçle cir teträwneñ yortlar häm binalarnıñ çimerelüenä kiterüen rasladı.
Kabello däwlät televideniyesendağı çığışında: "Barlıq qurqınıçsızlıq häm ğadättän tış xällärgä çawap birü bülekçäläre, şul isäptän, grajdannar saqlanu, volontörlar, yañğın sünderüçelär häm politsiyä, waqıyğa urınına tulısınça çibärelde", - dide.
Rodriges Kolumbiyä, Braziliyä, Meksika, Törkiyä, İordaniyä, Barbados, Kyurasao häm Böyekbritaniyägä struktural êzläw häm qotqaru yardäme öçen ayırım räxmät belderde.
Braziliyä ilbaşı Luis Inasio Lula da Silva, şulay uq, üz ileneñ Tışqı êşlär ministrlığına Venesuêladağı wäzğıyätne häm Braziliyäneñ yardäm itü öçen kürä alırlıq çaralarnı bäyälärgä kürsätmä birüen äytte.
Tın okean tsunami kisätü üzäge (PTWC) Venesuêla yar buyı belän çiktäş bulğan Aruba, Bonair häm Kyurasao utrawları öçen tsunami qurqınıçı turında kisätü yasadı.
Puêrto-Riko häm AQŞnıñ Virgin utrawları öçen dä tsunami turında kisätü iğlan itelde.
