Törkiyä ilbaşı Räcäp Tayyip Ärdoğan “kütärelüçe yoldız” dip atağan Şanxay xezmättäşlek oyışması belän barlıq ölkälärdä dä xezmättäşlekne üsterü öçen tırışaçaqların belderep: “Şanxay xezmättäşlek oyışması – küp qotıplı tärtipneñ ayırılğısız êlementlarınıñ berse,” – dide.
Ärdoğan Qırğızstan başqalası Bişkäktä oyıştırılğan Şanxay xezmättäşlek oyışması däwlät başlıqları sammitında çığış yasadı.
“Törkiyä bularaq bez tirä-yündäge nizağlarnı diplomatiya yulı belän çişü öçen cawaplılıqnı üz östebezgä alabız, tınıçlıq häm totrıqlılıq öçen êşläne däwam itäbez,” – digän ilbaşı üz çığışında İzrailneñ agressiv säyäsätenä dä tuqtaldı.
“Bez İzrail höcümnäre arqasında 74 meñ keşeneñ ğomere özelgän Ğazzä häm Livannı onıtmasqa tiyeş. Bezneñ böten töbäk bu agressiv säyäsät öçen bäyä tüli.”
Ärdoğan Törkiyäneñ klimat üzgäreşeneñ tiskäre yoğıntısına qarşı köräştä üz öleşen kertüne maqsat itep quyuın belderde, COP31 sammitı 11-12 noyabrdä Antaliyadä uzaçaq dip iskä töşerde häm Şanxay xezmättäşlek oyışması däwlät balıqları sammitında qatnaşuçılarnı çarağa çaqırdı.
