Ukraina ilbaşı Volodimir Zelenskiy sośial media akkauntında yasağan belderüendä Rusiyäneñ Dnepr şähärenä raketa höcüme oyıştıruın citkerde.

Zelenskiy höcüm näticäsendä 5 keşeneñ hälaq buluın, 29 keşeneñ yaralanuın belderde.

Ul şulay uq Rusiyäneñ Zaporoj’yeda mikroavtobusqa pilot­sız oçu apparatı belän höcüm itüen äytte.

Älege höcümdä 3 keşeneñ hälaq buluın, 6 keşeneñ yaralanuın äytkän Zelenskiy, ike şähärdä dä êzläw-qotqaru êşläreneñ däwam itüen iskärtte.

Ukraina citäkçese şulay uq Rusiya ğäskärläreneñ Sumı, Xar’kov, Çernigov,Odessa häm Xerson ölkälärenä dä höcümnär oyıştıruın belderep: “Rusiya terrorına qarşı köräşü bik möhim”, — dip äytte.

Ukraina Hawa köçläre komandirlığınnan yasalğan belderüdä dä Rusiyä tarafınnan tönlä ilgä oçırılğan 180 pilotsız oçu apparatınıñ 82 seneñ zararsızlandırıluı citkerelde.

Belderüdä Ukrainanıñ törle töbäklärenä hawa höcümnäre qurqınıçınıñ däwam itüe assızıqlandı.