Däwlät televideniyäse xäbärenä qarağanda, ilbaşı Täbbun grajdanlıq häm xärbi yuğarı däräcäle wäkillär qatnaşında uzğan häm soñğı urman yanğınnarı kitergän zıyannı beterü häm kiräkle çaralarnı kürü turında süz barğan cıyılışnı citäkläde.
Täbbun cıyılışta Ğadälät ministrına 15 sentyabr’gä qädär Cinayät kodeksına üzgäreşlär kertü turındağı qanun proyektın täqdim itärgä quştı.
Qanun proyektı urmanlı cirlärne belä torıp , añlı räweştä yanğınğa duçar itüçelärgä cäzalarnı, şul isäptän ülem cäzasın da qatğıylandırunı küzdä totıla.
Xäbärdä äytelgänçä, qanun belän bilgelängän barlıq apellyaśiyälär häm mäxkämä prośessları tämamlanğannan soñ, ülem cäzası başqarılaçaq.
Aljirnıñ cinayät qanunnarında ülem cäzası bulsa da, ildä 1993 yıldan birle bu cäza başqarılmağan.
Ğamäldäge qanunnarğa kürä urman yanğınnarın çığaruçılarğa birelä torğan iñ qatı cäza 30 yıl , ä qayber oçraqlarda ğomerlek törmä ide.
