“New York Times” gazetınıñ AQŞ häm İzrail çığanaqlarına nigezlängän xäbärenä qarağanda, İzrail premyer-ministrı Binyamin Netanyaxu AQŞnı İranğa 4 -7 könlek hawa höcümendä İzrail köçlärenä quşılırğa künderü öçen zur tırışlıq quya.
Çığanaqlar beldergänçä, Tramp İzrailneñ İran raketa häm pilotsız oçu apparatları inventaren yañadan torğıza, şulay uq ximik häm biologik qorallar programmasın üsterä digän kisätülären isäpkä ala.
Şuña kürä ul İranğa qarşı yaña kiñ külämle höcüm planın qarıy.
AQŞ çığanaqlarınıñ berse, Trampnıñ AQŞnıñ suğışta ottıruı turındağı tänqıytlärgä sizger buluın assızıqladı.
Başqa AQŞ çığanağı isä İrannıñ berqayçan da atom-töş qorılına iyä bulmawın täêmin itü öçen öçen barlıq variantlarnıñ da ilbaşı östälendä buluın belderde.
AQŞ çığanaqları soñğı atnalarda töbäktä AQŞ armiyäseneñ xärbi köymälär, xärbi oçqıçlar häm bombardirovşiklardan torğan zur köç tuplawın äytte.
Alar beldergänçä, Tramp raslağan oçraqta, İrannıñ pilotsız oçu apparatları häm raketa inventarenä, ênergetika obyektlarına, İnqıylap saqçılarınıñ idarä itü punktlarına häm ştablarına qarata qısqa waqıtlı, läkin köçle höcüm kampaniyäse başlanırğa mömkin.
Monnan tış, AQŞ çığanaqları İzrailgä yaqın waqıtta Patriot hawa saqlanu sistemasınıñ batareyası tapşırıluın belderde.
Şul uq waqıtta, çığanaqlar İzrailneñ planında İrannıñ atom-töş obyektlarına yaña höcümnär belän bergä, sänäğat tarmağına häm tınıç xalıq öçen êlektr ênergiyäsen özärgä mömkin bulğan ênergiya asqormasına höcümnär dä buluın citkerde.
Läkin Tramp älegä bu plannarnı raslamadı.





















