Hindstannıñ könçığışındağı Bixar ştatında Gang yılğasında yulçı köymäse äylänep qaplanğannan soñ, kim digändä, 13 bala hälaq bulğan, alarnıñ barısı da 15 yäştän keçe.
Kürşe awıldağı festivalgä barğan 15-20 yulçılı köymä sişämbe könne kiç Vayşali rayonında äylänep qaplanğan.
Çirle wäqalätlelärneñ mäğlümatları buyınça, aşığıç yärdäm törkemnäre yılğadan 13 keşeneñ mäyeten çığarğan, ä 6-7 yulçı qotqarılğan.
TÄQDIM ITELÄ
Töbäk başlığı Varşa Singx jurnalistlarğa 13 mäyet tabıluın, läkin yulçılarnıñ tögäl sanın raslaw häm köymädäge härkemneñ yazmışın açıklaw öçen êzläw êşläre däwam itüen äytte.
Hindstan xökümäte räise Narendra Modi qayğı urtaqlaştı häm hälaq bulğannarnıñ ğailälärenä kompensatsiyä tülänäçägen citkerde.
