Venesuêla Tışqı êşlär ministrınıñ Awrupa häm Tönyaq Amerikadan cawaplı urınbasarı Oliver Blanko jurnalistlarğa birgän äñgämäsendä: “Töreklärneñ üz ğomerlären qurqınıç astına quyıp Venesuêla xalqına yärdäm qulın suzuın berqayçan da onıtmayaçaqbız”, - dip äytte.
Blankonıñ bu belderüe Törkiyädän cibärelgän berençe humanitar yärdäm äyberläreneñ ilgä barıp citüennän soñ yasaldı. Törek xezmättäşlek häm koordinaśiyä agentlığı (TİKA) xalıqara êzläw, qotqaru häm yärdäm êşçänlegenä bulışlıq itüe belän bergä cirteträwdän zıyan kürüçelärgä yaqınça 1.000 humanitar yärdäm paketın cibärde.