“Bik küp iğanäçe Fälästinne yaqlağan qayber sportçılar belän êşlärgä telämi. Fäqät aqça keşe ğomere belän çağıştırılğanda berni tügel”.

Xäbib Nurmagomedov 8nçe avgustta Nyu-Jerseydä Miftaah institutı oyıştırğan çarada yasağan çığışında üze belän bergä İslam Maxaçev häm Usman Nurmagomedovnıñ Fälästinne yaqlawları arqasında yuğarı keremle iğanäçelek kileşülären yuğaltuların äytte.

Nurmagomedov, yuğaltılğan ğomerlär belän çağıştırğanda aqçanıñ bik az ähämiyätkä iyä buluın belderep, sponsorlıqlarnıñ barı tik Fälästin mäs’äläsendä üz fikerlären beldergännäre öçen ğamäldän çığarıluın iskärtep uzdı.