İran İslamabad söyläşüläre uñışsız tämamlanğançı AQŞ belän kileşügä bik yaqın buluların däğ’wa itte.  

İran tışqı êşlär ministrı Abbas Arakçi: “Bez suğışnı tuqtatu öçen AQŞ belän yaxşı niyätle söyläşülär alıp bardıq”, – dide.

Arakçi yaqlarnıñ İslamabad kileşü berketmäsenä ireşügä bik yaqın buluın, ämma AQŞ tarafınnan maksimalizm, daimi üzgärüçe maqsatlar häm blokada belän oçraşuların äytte.

Ul şulay uq: “Yaxşı niyät yaxşı niyät tudıra. Doşmanlıq doşmanlıqnı tudıra”, – dip östäde.

Söyläşülär uñışsız tämamlandı

Bu belderülär AQŞ Üzäk komandirlığı( CENTCOM) düşämbe könnän başlap İran portlarına kerüçe häm annan çığuçı barlıq diñgez transportına blokada kertäçägen iğ’lan itkännän soñ yasaldı.

Blokadağa Ormuz buğazı aşa İrannan çittäge portlarğa baruçı häm annan qaytuçı köymälär kermi.

Paqıstan aradaşçılığı belän şimbä könne uzğan söyläşülär küp sanlı fikerlär häm täq’dimnärdän soñ tämamlandı, läkin alğarış bulmadı.

İke yaq ta İslamabadtan citdi qarşılıqlarnı xäl itmiçä kittelär, alar ikese dä alğa taba diplomtik tırışlıqlar kiräklegen belderdelär.

Söyläşülär AQŞ häm İzrail tarafınnan 28 fevral’dä İranğa qarşı başlanğan suğışnı tuqtatu tırışlıqlarnıñ ber öleşe ide.