Sälamätlek saqlaw çığanaqları mäğlümatlarına qaraganda, Ğazzädä İzrail höcüme näticäsendä ber fälästinle hälaq bulğan, biş keşe yaralanğan. Bu 2025nçe yılnıñ oktyabrennän birle ğamäldä bulğan utnı tuqtatunı bozu oçraqlarınıñ soñğısı.

Çığanaqlar Ğazzäneñ berniçä rayonına höcümnärdä yaralanğannar arasında balalar da buluın xäbär itte. Şahitlar İzrail köçläreneñ berniçä urında, şul isäptän, Ğazzä şähäreneñ könçığışındağı Şucayya mikrorayonında häm könyaktağı Xan-Yunıs şähärendä ut açuın citkerde.

Ğazzä sälämätlek saqlaw ministrlığı mäğlümatlarına qarağanda, utnı tuqtatu ğamälgä kergännän birle, kimendä, 716 fälästinle hälaq bulğan häm 1968 keşe yaralanğan.

Sälämätlek saqlaw çıqanaqları häm şahitlar mäğlümatları buyınça, soñğı 24 säğat êçendä Ğazzä şähäreneñ könçığışında ber törkem fälästinle İzrail dronı tarafından höcümgä duçar itelgäç, tağın öç fälästinle hälaq bulğan, küp keşe yaralanğan. Meditsina çıqanaqları xäbär itüençä, Äl-Tuffa mikrorayonına höcüm qorbannarı Ğazzä şähäre üzägendäge Ähli baptist xastaxanäsenä häm könbatıştağı Äş-Şifa xastaxanäsenä kiterelgän. Şahitlar höcüm Äş-Şawa mäydanı yaqınındağı Fälästin qurqınıçsızlıq xezmätkärläre törkemenä bärüen belderde.

Şimbä könne irtän Ğazzä üzägendäge ayırım waqıyğada ber fälästinle ülde, öçese yaralandı, İzrail dronı maşinağa höcüm itte.

Däwam itüçe İzrail höcümnäre töbäk buyınça utnı tuqtatu kileşüen bozu dip sanala.