Qırğızıstanda yasalğan berençe milli iyärçen orbitağa oçırtıldı.

Qırğızstan İlbaşı idaräseneñ matbuğat üzägennän yasalğan belderügä kürä berençe milli iyärçen AQŞnıñ Kaliforniya ştatında urnaşqan Vandenberg xärbi bazasınnan “SpaceX”nıñ “Falcon 9” raketası belän orbitağa cibärelde.

AQŞqa êş säfäre belän kilgän Qırğızstan ilbaşı Sadır Caparov iyärçenne oçırtu tantanasında qatnaşıp, bu tarixi mizgellgä şahit buldı.

Berläşkän Ğaräp Ämirlekläre belän urtaq êşçänlek näticäsendä ğalämgä cibärelgän berençe iyärçenneñ Qırğızstan iqtisadı häm tirä-yaq moxitın küzätü cähatennän möhim role bulaçağı äytelde.

İyärçen awıl xucalığı cirläreneñ häm kötüleklärneñ torışın, qorılıq qurqınıçların häm awıl xucalığı uñışın küzätü öçen yuğarı sıyfatlı optik sensorlar qullanacaq.

Monnan tış, iyärçen Qırğızstan öçen möhim bozlıqlarnı, su resursların, yılğalarnı häm äylänä-tirä moxit üzgäreşlären küzätergä, şulay uq täbiği fäläkät qurqınıçın farazlarğa bulışaçaq.

İyärçenne häm mäğlümat ağımın başqala Bişkäktä urnaşqan Cir idarä üzägennän kontrol itäçäklär.