İlbaşı Räcäp Tayyip Ärdoğan İzrailneñ Süriyä häm Livanğa höcümnäreneñ bu ike ilgä genä tügel, ä Törkiyägä dä qurqınıç tudıra torğan noqtağa citüen belderde. Ul İzrailneñ agressiyäseneñ böten dön'ya öçen qurqınıç tudıruın häm anı tuqtatırğa kiräklegen äytte.

Çärşämbe könne parlamentta qanun çığaruçılar aldında çıqış yasağanda, Ärdoğan İzrailne Urta diñgezneñ könçığışı häm kiñräk töbäkne tağın da totrıqsızlandırırğa mömkin bulğan ğamällärdä ğayepläde.

"Törkiyäneñ iminlege Xataydan ğına başlanmıy, ul Xaläptän, Dimäşqtan başlana. Törkiyäneñ iminlege Bäyruttan başlana. Bez tuğannarıbız illärendäge bernindi dä xatağa tüzmäyäçäkbez, tuğanlarıbızğa qarşı bernindi höcümgä dä küz yommayaçakbız", - dide İlbaşı, ilneñ iminlege anıñ çiklärennän tış ta kiñäyüen assızıqladı.

İlbaşı Ärdoğan, şulay uq, Törkiyäneñ "Wäğdä itelgän cir" aldawınıñ töp maqsatı närsä buluın yaxşı añlawın belderde häm: "Allahı röxsäte belän bez moña berqayçan da yul quymayaçakbız", - dip östäde.

İllärne İzrail belän berläşmäskä kisätep, Ärdoğan: "Berkem dä macara_artınnan barırğa tiyeş tügel. Berkem dä sionist küpläp üterü çeltäre êzennän barırğa tiyeş tügel", - dide.