“Yonhap” xäbärenä kürä, Li Çje Myen Könyaq Koreyanıñ 1910–1945 yıllardağı Yaponiya kolonial idaräsennän azat itelüeneñ 81 yıllığına bağışlanğan iskä alu tantanasında çığış yasadı.
Li: “Ber-berebezgä yanaw niyätlärebezne çitkä quyıp, turıdan-turı bäyläneşle yaqlar bularaq, ozın yıllar däwam itkän suğışnı tämamlaw öçen söyläşülärgä kereşik. Bu barışta Tön’yaq Koreyanıñ atom-töş mömkinleklären üsterüen tuqtatu öçen näticäle ısullar turında da fiker alışa alabız”, – dide.
Kiyerenkelekne beterü häm totrıqsız utnı tuqtatu sistemasın tınıçlıq rejimı belän almaştıru öçen tırışaçağın äytkän Li, yarımutrawda tınıçlıq urnaştırunıñ Tön’yaq-könçığış Aziyädä totrıqlılıq häm xezmättäşlekne üsterügä, şulay uq atom-töş qoralsız dönya tözügä öleş kertä alaçağın assızıqladı.
